Գանձերի կղզին

Ճամբարային օրերին, բացի խաղերից ու խոհանոցային գործունեություններից, մենք ունենք նաև ընթերցանություն ժամեր։ Ընթերցել սիրում ենք, հաճախ նույնիսկ հաշվում ենք մեր ընթերցած գրքերն ու հեքիաթները։ Վերջերս, երբ Վահագնը սկսեց պատմել <<Գանձերի կղզին>> գրքի մասին, բոլորս շա՜տ հավանեցինք այդ պատմությունը և որոշեցինք, որ պետք է բոլորս կարդանք և միասին քննարկենք։ Որոշեցինք նաև քննարկման օրը՝ հունիսի յոթին։ Գիրքն այնքան հետաքրքիր էր, որ բոլորս կարդացինք երկուսից-յոթ օրվա ընթացքում։ Մի մասս կարդացինք երկար տարբերակը, որը հաստափոր գիրք էր, մի մասս էլ, հակիրճ տարբերակը՝ որը քառասունութ էջ էր։ Գիրքը կարդացել վերջացրել էինք նախապես պայմանավորվածից շուտ ու անհամբեր սպասում էինք ամսի յոթին։ Կային երեխաներ, որ այդ ընթացքում հասցրել էին երկու անգամ կարդալ գիրքը, քանի որ շատ էր դուր եկել։ Քննարկման օրը, բոլորս իրար լսելով պատմում էինք մեզ դուր եկած հատվածների մասին, արդարացնում ու մեղադրում հերոսներին։ Շա՜տ հետաքրքիր ու ուրախ օր ունեցանք։

Հեղինակներ՝ Մարիա Բաբաջանյան, Նարե Ղազարյան

• Posted in: Ճամբար ♦ Բոլոր նյութերը