Զատիկ
Նպատակը — Սովորողներին ծանոթացնել Զատկան ծեսին, Զատկի խորհուրդներին /ածիկ, ակլատիզ, Ուտիս տատ, ներկած ձու, ձուկ, չամչով փլավ, զատկածառ, զատկական ավանդույթներին ու սովորույթներին։
Խնդիրներ
- Բանավոր և գրավոր խոսքի զարգացում
- Ստեղծագործական երևակայության զարգացում
- Մեդիահմտությունների ամրապնդում
- Տրամաբանական մտածողության զարգացում
- Համագործակցային հարաբերությունների զարգացում
Զատկից 25-30 օր առաջ զատկական օրացույց ենք պատրաստում ՝ զատիկին մնաց — օր։ Ամեն օրվա համար զատիկ, ճուտիկ , ձվիկ , ծաղիկ կամ համապատասխան այլ կերպար ենք փակցնում ։ Ստացված օրացույցից օրական մի կերպար հանելով հաշվում ենք, թե Զատկին քանի օր մնաց ։ Ամեն մի կերպարի տակ նախօրոք մի ասացվածք, ասիկ, հանելուկ, խաղիկ, առած ենք թաքցնում, կերպարը հանելով տակից դուրս կգա այդ օրվա խորհուրդը, անեքը:
Պատրաստում ենք Ակլատիզ: Ամեն շաբաթ Ակլատիզի գլխից մի փետուր ենք հանում ՝ հաշվելով, թե Զատկին քանի շաբաթ մնաց ։
Ածիկ -Զատիկից 20-25 օր առաջ ցորենով ,գարիով և այլ հատիկներով հետաքրքիր և անսովոր ածիկ-մարդուկներ, ածիկ — բացիկներ, ածիկ — նվերներ ենք պատրաստում։
Զատկածառ — Տոնից 15 -20 օր առաջ ծառի էտած ճյուղը զարդարում ենք ներկած ձվիկներով, զատկական խաղալիքներով, ճուտիկներով, գունավոր ժապավեններով ։
Մայրենի -Ծեսի նախապատրաստական աշխատանքների ընթացքում երեխաները սովորում են զատկական ասիկներ, հանելուկներ, խաղիկներ, առածներ, ասացվածքներ: Հորինում են հեքիաթներ, պատմություններ, խաղեր, հանելուկներ, ասույթներ, բանաստեղծություններ ։ Զատիկ, ձու, Ակլատիզ ․․․ և այլ զատկական բառերով նոր բառեր ենք կազմում , այդ բառերով հետաքրքիր պատմություններ ,հեքիաթներ են հորինում ։ Տատիկ — պապիկներից հարցազրույց ենք վերցնում «Զատկական պատմություններ»խորագրով ։
Մեդիատեխնոլոգիա — Հորինած պատմությունները մուտքագրում են , էլեկտրոնային փոստի միջոցով ուղարկում ։ Նկարում են իրենց հորինած պատմությունները paint ծրագրով։Համացանցից ՝ google որոնողական համակարգի օգնությամբ , Զատկական ծեսի մասին հետաքրքիր նյութեր են հավաքում ,կարդում են ,դասարանում պատմում են ընկերներին ։
Մաթեմատիկա — Զատկական խնդիրներ են հորինում և լուծում ։
Ես և շրջակա -Ձվի, զատիկի, ցորենի, հատիկների, չամիչի, սոխի ․․․․ մասին հետաքրքիր տեղեկություններ ենք հավաքում, բնագիտական փորձեր ենք կատարում ։
Տեխնոլոգիա — Ներկում ենք ձվիկները, թելերով, ուլունքներով զարդարում, զատկածառ,Ակլատիզ, Ուտիս տատ ենք պատրաստում ։
Նախագծի հեղինակ՝ Հռիփսիմե Առաքելյան
a.gyonjyan@mskh.am
Բարի գալուստ իմ մեդիամոլորակ 