ԽՄԱԾ ՄԿԱՆ ՊԱՅՄԱՆԸ /Հայ ժողորվրդական հեքիաթ

Մի գիժ մուկ վախից փախչում է մառան, ելնում նստում գինու կարասի պռնկին, հոտ է քաշում՝ թե չէ, քեֆը լավանում է, ընկնում է կարասը: Խեղճ մուկը, խեղդվելով, աղաչում է Աստծուն.

– Աստվա՛ծ ջան, էս ի՞նչ կրակի մեջ գցեցիր: Հիմա ես էս հսկա կարասի մեջ պիտի խեղդվե՞մ:  Ուրեմն ես մի կատվի բաժին էլ չարժե՞մ: Լավ չէ՞ր՝ կատուն ինձ ուտեր, քան թե անտեղի կորչեի էս կարասի մեջ:

Էդ ասելն էր, որտեղից-որտեղ մի չալ կատու է հայտնվում ու կարասի պռնկից ձայն տալիս.– Հիմա որ քեզ կարասից հանեմ, կթողնե՞ս քեզ ուտեմ:

— Ո՞ւր է, է՜: Էդպիսի մի լավություն արա, լավությանդ տակից դուրս կգամ:

Կատուն թաթը գցում է, մկանը կարասից հանում, դնում մի կողմ, որ չորանա: Մուկ դու մուկ, պո՛ւկ, փախչում է, մտնում ծակը: Կատուն վիզը ծռում է, նայում, նայւմ ու ասում.

– Բա ի՞նչ եղավ մեր սուրբ պայմանը:

— Դու էլ բան ասիր, խմած ժամանակ մի բան էր՝ ասինք, կրակն ընկա՞նք:

Առաջադրանքներ

1.Դուրս գրի՛ր անծանոթ բառերը և էլեկտրոնային բառարանի օգնությամբ բացատրի՛ր:

2.Տեքստից գտի՛ր տրված բառերի հականիշ բառերը:

մոտենալ-

հանել-

չուտել-

թրջվել-

3.Լրացրո՛ւ բաց թողնված բառերը:

Հիմա ես էս հսկա կարասի մեջ պիտի__________________ :

Հիմա որ քեզ  _________________  հանեմ, կթողնե՞ս քեզ __________________ :

Կատուն թաթը _________________ է, մկանը կարասից հանում, դնում մի կողմ, որ ____________:

4.Ի՞նչ կլիներ, եթե կատուն ընկներ գինով լի կարասի մեջ: Փորձի՛ր փոքրիկ պատում հորինել:

• Posted in: 3-րդ դասարան ♦ 3-րդ դասարանի առաջադրանքներ 2020-2021