Ես և շրջակա աշխարհ (Չափորոշիչների նախնական տարբերակ)

«Ես և շրջակա աշխարհը»

«Մխիթար Սեբաստացի» կրթահամալիր

«Իմացումի հրճվանք» ծրագիր Ես և շրջակա աշխարհը

«Ես և շրջակա աշխարհը» ծրագիրը ըստ նոր չափորոշիչների պետք է սկսել 2-րդ դասարանից, մինչ դեռ կարծում ենք, որ տվյալ ծրագիրը պետք է իրականացնել հենց առաջին դասարանից։ Քանի որ ըստ չափորոշչի հետևյալ կետերի «Ինքնություն-ինքնաճանաչում» ,«Անվտանգություն», «Փոխհարաբերություններ՝ ընտանիք, դպրոց, համայնք, իրավունքներ, կոնֆլիկտներ․․․կետերը շատ կարևոր են այդ տարիքից սկսած։

«Ես և շրջակա աշխարհը» առարկայի նպատակն է սովորողների մեջ ձևավորել շրջապատի նկատմամբ ուշադիր լինելու, հետազոտելու, խնամելու, պահպանելու, բարեկարգելու կարողությունները, նպաստել հաղորդակցվելու, համագործակցելու, շրջապատող մարկանց նկատմամբ հարգալից լինելու կարողությունների ձևավորմանն ու զարգացմանը: «Ես և շրջակա աշխարհը» առարկան սերտորեն կապված է «Իմացումի հրճվանք» ծրագրով նախատեսված մյուս առարկաների հետ: Ծրագիրն ընգրկում է ուսումնական տոնացույցով նախատեսված օրերի թեմաները, որոնք սերտորեն կապված են Իմացումի հրճվանքի մյուս բաղադրիչների հետ:

1-4-րդ դասարանում «Ես և շրջակա աշխարհը» ծրագիրը ներառում է «Ինձ շրջապատող մարդիկ», «Բնագիտություն», «Տիեզերք», «Բույսերի և կենդանիների խնամք», «Անվտանգ երթևեկություն», « Բարձունքի հաղթահարման- ճամփորդական կանոններ», «Ինքնասպասարկման» ( լողուսուցման, մարմնամարզական պարապմունքների ընթացքում ինքնուրույն հանդերձափոխվել), «Վարվեցողության կանոններ․(ինչպես պահել մեզ թատրոնում, թանգարաններում, հասարակական տրանսպորտում և մշակութային վայրերում», «Առողջություն» դասընթացները

«Ես և շրջակա աշխարհը» ծրագիրը․

1. Նպաստում է սովորողների դիտողականության, շրջապատում օրինաչափություններ նկատելու — դիտարկելու, վերլուծելու կարողության զարգացմանը:

2. Նպաստում է սովորողների ինքնաճանաչման, ինքնադրսևորման ու ինքնակազմակերպման հմտությունների զարգացմանը:

3. Ձևավորում է առողջ, անվտանգ ապրելակերպին նպաստող վարքագիծ:

4. Ձևավորում է շրջապատի, բնության հանդեպ հոգատար վերաբերմունք:

5. Նպաստում է երևույթներին հետևելու, հետևություններ անելու հմտությունների ձևավորմանը:

6․Օգնում է զարգացնել վտանգներից պաշտպանվելու, խուսափելու հմտություններ

7․ Օգնում է տարածության մեջ ճիշտ և արագ կողմնորոշմանը։

8․Օգնում է զգալ,ճանաչել, աջակցել ընկերոջը, զարգացնում է հաղորդակցման, համագործակցային հմտությունները , արդյունքում էլ ստեղծվում է առողջ միջավայր, որն էլ իր հերթին նպաստում է ԿԱՊԿՈւ սովորողների ներգրավմանը և անկաշկանդ հաղորդակցմանը։

7. Հետազոտության, փորձի միջոցով իրեն անհրաժեշտ ինֆորմացիան ձեռք բերելու կարողությունների ձևավորմանը :

1. Ինձ շրջապատող մարդիկ

• Ես, իմ տունը, իմ ընտանիքը, իմ ընկերները

• Իմ թաղը, բակը /որտեղ եմ ապրում/

• Ծեսեր, տոներ, միջոցառումներ

2. Բնագիտություն

• Կենդանի և անկենդան բնություն · Բնագիտական փորձեր

• Եղանակային փոփոխություններ

• Օրացույց

3. Տիեզերք

· Երկնային մարմիններ(Արև, լուսին, մոլորակներ․․․)

4. Բույսերի և կենդանիների խնամք

• Բույսերի տնկում, խնամք

• Կենդանիների խնամք

• Ծառատունկ, ծաղկատունկ

• Բակ-պարտեզի խնամք

5. Անվտանգ երթևեկություն

• Անվտանգ երթևեկության տարրական կանոններ

․Երթևեկության նշանների իմացություն

․Պատշաճ վարքագծի ձևավորում հասարակական տրանսպորտում(մետրոպոլիտեն, երթուղային տաքսիներ, գնացք, օդանավ․․․)

6. Առողջություն

• Անձնական հիգիենա

• Առողջ սնունդ, մարզանք

• Վատ սովորությունների դեմ պայքար

• Անվտանգությունը տանը և դրսում

․ Անվտանգությունը լողավազանում, ծովում, գետում

Ուսումնական գործունեություն, որն իրականացվում է կրտսեր դպրոցում

• Խնամում է ծաղիկները, ծառերը, կենդանիներին և թռչուններին

• Դիտարկումներ և բնագիտական փորձեր է կատարում, հետևում է արդյունքերին, հետևություններ անում, գրանցում, լուսաբանում

• Դիտարկումներ, հաշվառումներ է կատարում, կազմում բույսի, կենդանու անձնագիր, գրանցում փոփոխությունները

• Որոշ բնագիտական հետևություններ և դատողություններ է կատարում բնության մեջ կատարվող երևույթների, փոփոխությունների վերաբերյալ

• Ներկայացնում է բնության որոշ երևույթների առաջացման պայմաններն ու պատճառները` ձյուն, անձրև, քամի…

Նախագծային աշխատանքներ

Ուսումնական գործունեությունն իրականացվում է նախագծերի միջոցով: Նախագծի թեմաներն ընտրվում են ինչպես ուսումնական օրացույցից, այնպես էլ առարկայի մեջ ընդգրկված դասընթացներից: Թեման, առարկայական դասընթացը կարող են որպես նախագիծ իրենց շուրջը հավաքել «Իմացումի հրճվանք» ծրագրի մեջ ընդգրկված մյուս առարկաները, այնպես էլ դառնալ որևէ այլ նախագծի բաղկացուցիչ:

Ուսումնական ճամփորդություններ

Ուսումնական ճամփորդությունը ծրագրի բաղկացուցիչ է:

․Ճամփորդության վայրի ընտրություն․ տեղեկության հավաքագրում տվյալ վայրի մասին

․Օնլայն տիրույթում քարտեզ որոնելու և քարտեզից օգտվելու հմտություն

․ Եղանակի տեսության ուսումնասիրում

․ Անվտանգ ճամփորդելու կանոններին հետևելու հմտություն

․Ճամփորդական պարագաների ճիշտ ընտրություն

․ Հեռադիկակից, կողմնացույցից, խոշորացույցից, տեսախցիկից օտվելու հմտության ձևավորում

․Էկո աշխատանքների կազմակերպում, իրականացում

Ճամփորդություններն ինքնանպատակ չեն, դրանք ուղղված են սովորողների ճանաչողությանը, գիտելիքների ձեռքբերմանն ու զարգացմանը: Ճամփորդություն իրականացնելուց առաջ նախապես պլանավորում ենք մեր անելիքները: Սովորողներին հանձնարարվում է ուսումնական, հետազոտական աշխատանք՝ ուսումնասիրել և տեղեկություններ հավաքել այն տարածքի մասին, որտեղ պետք է այցելել:

Նախապես կատարում ենք աշխատանքի բաժանում. մի խումբը ընթացքում պետք է գծի ճանապարհի քարտեզը, մի խումբը՝ ժամանակին հետևի, մյուսները հարցազրույց վերցնեն տեղի բնակիչներից…

Ուսումնական ճամփորդության ամփոփումն իրականացվում է հետևյալ սկզբունքով՝

• ինչ գիտեի,

• ինչ չգիտեի,

• ինչ իմացա

• ինչ հարցեր ունեմ:

Վերադառնալուց հետո ճամփորդությունն ամփոփվում է ֆոտոշարքով, ֆիլմով, ռադիոլուրով, որոնք հրապարակվում են դպրոցի ենթակայքում, բլոգում:

 

Աշխատել ենք Քրիստինե Հովսեփյանի հետ:
Փոփոխման ենթակա է:

• Posted in: 3-րդ դասարան ♦ Բոլոր նյութերը