ԲԱՈԲԱԲ

Այս ծառը ապրում է 4-5 հազար տարի, այնքան էլ բարձր չէ` 18-25 մ: Փոխարենն ուղղակի զարմանահրաշ է: Բնի հաստությունը`/շրջանագիծը/ հասնում է 25 մ-ի: Բաոբաբը գրկելու համար պետք է մի ամբողջ դասարան: «Բաոբաբը մեծ է, բայց նրանից փոքրիկ խարույկ իսկ չես վառի»,- ասում են աֆրիկացիները:
Ինչպեˆս թե: Այդպիսի խոշոր ծառից կարելի է այնքան վառելափայտ մթերել: Բայց արի ու տես, որ այդ վառելափայտն անօգուտ կլիներ` բաոբաբի բնափայտը չի այրվում:
Բաոբաբն ուրիշ առանձնահատկություններ էլ ունի: Օրինակ, տերևաթափ է լինում ոչ թե ձմռանը, այլ ամռանը: Աֆրիկայում, ուր աճում է բաոբաը, ամռանը շատ շոգ է: Իսկ տերևները խոնավություն են գոլոշիացնում: Բաոբաբն էլ, որպեսզի քիչ խոնովություն կորցնի, շոգին է տերևաթափ լինում: Իսկ ձմռանը, երբ սկսվում է անձրևների շրջանը, նորից ծածկվում է թաթաձև տերևնով և խոշոր, մինչև 20 սմ տրամագիծ ունեցող սպիտակ ծաղիկներով: Բաոբաբի պտուղները երկար են, վարունգանման , հյութալի, քաղցրահամ միջոկով, որը կարելի է ուտել:
Բաոբաբի տերևներից թել են պատրաստում, որից հյուսում են գործվածքներ ու պարաններ:

• Posted in: Հետաքրքիր տեղեկություններ ♦ ՈՒսումնական նյութեր