Կրտսեր դպրոցի (1-3-րդ դասարաններ) մաթեմատիկայի ծրագիր

Կրտսեր դպրոցում մաթեմատիկա առարկայի ուսուցման նպատակներն են

• սովորողի մոտ ձևավորել և զարգացնել տրամաբանական, լեզվական մտածողություն, կռահելու կարողություն
• սովորեցնել ձեռք բերած գիտելիքները և կարողությունները կիրառել տարբեր գործնական խնդիրներ լուծելիս
• զարգացնել սովորողի ուշադրությունը, դիտողականությունը, հիշողությունը, աշխատասիրությունը, նպատակասլացությունը, համբերությունը, ինքնուրույնությունը, հնարամտությունը
• սերմանել վստահություն սեփական ուժերի նկատամամբ
• սովորեցնել կյանքի տարբեր իրավիճակները մոդելավորել որպես մաթեմատիկական խնդիրներ

1. Ուսումնական միջավայր.

• Դասարան-կաբինետ`  համակարգիչ (ներբեռնված Smart Notebook ծրագրով),, անլար համացանց, էլեկտրոնային գրատախտակ, պրոյեկտոր, նոութբուք-նեթբուքեր (ներբեռնված բոլոր անհրաժեշտ ծրագրերով), քանոն, մետր, ժամացույց, վայրկյանաչափ, հաշվեձողիկներ, դիդակտիկ նյութեր, համրիչներ, կշեռքներ, չափագլաններ:
• մաթեմատիկական կայքեր, դասվարի,  դասարանի բլոգ, դասվարի էլեկտրոնային օրագիր, կրթահամալիրի, գրադարանի կայք
• Դասվարին անհրաժեշտ գործիքներ և նյութեր` նոութբուք կամ նեթբուք, էլեկտրոնային օրագիր, էլեկտրոնային մատյան,  անձնական (դասարանական) բլոգ, կայք, համակարգչային ծրագրերի փաթեթներ, ձայնագրիչ, ֆոտոխցիկ:
• Սովորողին անհրաժեշտ գործիքներ և նյութեր` նոութբուք կամ նեթբուք, էլեկտրոնային գրքեր, գիրք-տետրեր:
• Ուսումնական նյութեր` պետական հանրակրթական ծրագրով նախատեսված դասագրքերի թվային տարբերակներ, ուսումնական ծրագրին համապատասխան դասվարի ստեղծած ուսումնական փաթեթներ, հեքիաթ-խնդիրներ, կրթահամալիրային գիրք-տետրեր, ինտերնետային կայքեր և ուսումնական օնլայն խնդրագրքեր:

1. Ուսումնական պարապմունքների նկարագրություն`

Դասերը կազմակերպվում են ըստ ուսումնական պլանով նախատեսված ժամաքանակի և կրթահամալիրյան

օրացույցի: Կրթահամալիրում դասերը սկսվում են առավոտյան ընդհանուր պարապմունքով: Սովորողների քանակը` 20-25, որոնց թվում նաև հատուկ կրթությամբ սովորողներ: Դասերը կազմակերպվում են ուսումնական դասարան-կաբինետում, ընթերցասրահում, բակում` 45 րոպե տևողությամբ և համապատասխան գործիքների, թվային ուսումնական նյութերի օգտագործմամբ: Դասապրոցեսի ընթացքում դասվարը կազմակերպում է ծրագրով նախատեսված նյութի, կարողությունների ու հմտությունների յուրացումը:

1. Ուսումնական նյութերի, միջոցների օգտագործում՝

• Գրադարանի կայք

Սովորողները և դասավանդողը «ուսումնական փաթեթ» բաժնից ներբեռնում են անհրաժեշտ դասագրքերը, ձեռնարկները, խնդրագրքերը  և այլ ուսումնական նյութեր:

• Դասավանդողի բլոգ, կայք

Դասավանդողը ուսումնական նյութերը, առաջադրանքները, ուսումնական ֆիլմերը, տեսադասերը կամ հղումները տեղադրում է բլոգում, որից օգտվում են սովորողները:

• Էլեկտրոնային օրագիր

Էլեկտրոնային օրագրի գործածմամբ դասավանդողը սովորողներին ուղարկում է անհատական տնային հանձնարարությունը, տվյալ դասի բոլոր նյութերը, բլոգից և այլ կայքերից հղումները:

1. Սովորողի ուսումնական գործունեության ձևերը`

• խնդիրների, վարժությունների լուծում
• բանավոր և գրավոր աշխատանք դասարանում և տանը
• էլեկտրոնային գրատախտակի, էլեկտրոնային օրացույցի,

համացանցի, համակարգչային ծրագրերի օգտագործում

• ստուգատեսներին և ուսումնական օրացույցով նախատեսված նախագծերին, ծեսերին մասնակցություն

• ուսումնահասարակական նախագծերին, ճամփորդություններին, ճամբարներին մասնակցություն:

1. Դասարանում և տանը ուսումնական պարապմունքի կազմակերպում`

Դասերը կազմակերպվում են ուսումնական դասարան-կաբինետում, որն ապահովված է անհրաժեշտ ուսումնական գործիքներով և նյութերով: Դասի տևողությունը 45 րոպե է: Դասարանային աշխատանքները սովորողները կատարում են իրենց տետրերում կամ անհատական համակարգիչներում, այնուհետեև ուղարկում դասավանդողի էլ. հասցեին: Ուսումնական հիմնական գործիքներից է նաև էլեկտրոնային գրատախտակը, որի օգնությությամբ պատկերավոր և մատչելի ներկայացվում է դասավանդման նյութը:

Տնային հանձնարարությունները ուղարկվում են այն սովորողներին, որոնք ընտրել են տնայի աշխատանքըէ որպես լրացուցիչ կրթություն: Տնային առաջադրանքի համար նշվում է հստակ վերջնաժամկետ, որից հետո դասավանդողը նշանակում է խորհրդատվության (քննարկման) ժամ և այդ սովորղներ հետ քննարկում իրենց աշխատանքը:

Առաջին դասարան (144 ժամ)

1-ին դասարանում լուծվող հիմնական խնդիրներն են`

• Նպաստել երեխայի դպրոցական կյանքին ադապտացմանը
• ծանոթացնել 20-ից փոքր բնական թվերի հետ, սովորեցնել դրանք գրել, մուտքագրել և կարդալ, դրանց հետ գումարման և հանման գործողություններ կատարել
• թվերն օգտագործել հաշվում, համարակալում, չափում պահանջող կիրառական խնդիրներ լուծելիս և գործնական առաջադրանքներ կատարելիս
•  գաղափար տալ երկրաչափական մարմինների և պատկերների մասին
•  սովորեցնել օգտվել պարզ աղյուսակներից

 

Բովանդակություն

Նախնական մաթեմատիկական պատկերացումներ, առարկաներ, առարկաների հավաքածուներ

• Առարկաների հատկությունները (գույն,ձև, չափս, նյութ): Առարկաների համեմատում ըստ գույնի, ձևի, նյութի, չափսի:
• Առարկաների կամ պատկերների հավաքածուներ /խմբեր/, որոնք ունեն ընդհանուր հատկություններ:
• Հավաքածուների կազմում ըստ ընդհանուր հատկության: Հավաքածուից մասի անջատում:
• Քառակուսի, եռանկյուն, ուղղանկյուն, շրջան: Խորանարդ, ուղղանկյունանիստ, գունդ, կոն, գլան:
• Առարկաների տարածական առնչություններ (վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ,միջև-մեջտեղը):
• Հավաքածուների համեմատում զույգեր կազմելու միջոցով:
• Նույնքան, շատ, քիչ:
• Առարկաների միջև առնչություններ:Մեծ-փոքր, կարճ-երկար, հաստ-բարակ, նեղ-լայն:
• Տարածական-ժամանակային առնչություններ. Սկզբում-հետո, շուտ-ուշ:
• Ուղիղ և հետ հաշվարկ տասնյանկում:
• Զույգերով, եռյակներով հաշվարկ:

Առաջին տասնյակ

 

• 1 թիվը: 1 թվանշանը: Շրջան:
• 2 թիվը: 2 թվանշանը: Մարդու մարմինը:
• 3 թիվը: 3 թվանշանը: 3 թվի կազմությունը: Եռանկյուն, կողմերը,գագաթները:
• 4 թիվը: 4 թվանշանը: 4 թվի կազմությունը: 4-ի սահմանում գումարում և հանում:
• Քառանկյուն, կողմերը, գագաթները:

• 5 թիվը: 5 թվանշանը: 5 թվի կազմությունը: 5-ի սահմանում գումարում և հանում:
• 6 թիվը: 6 թվանշանը: 6 թվի կազմությունը: 6-ի սահմանում գումարում և հանում:
• Թվերի հավասարությունը և անհավասարությունը:
• Թվերի համեմատումը և գրառումը:
• Գումարի և տարբերության անհայտ բաղադրիչի գտնելը:
• 7 թիվը: 7 թվանշանը: 7 թվի կազմությունը: 7-ի սահմանում գումարում և հանում: Շաբաթվա օրերը:
• 8 թիվը: 8 թվանշանը: 8 թվի կազմությունը: 8-ի սահմանում գումարում և հանում:

• 9 թիվը: 9 թվանշանը: 9 թվի կազմությունը: 9-ի սահմանում գումարում և հանում:
• 0 թիվը: 0 թվանշանը: Զրոյի հատկությունները գումարման և հանման գործողություններում:
• Պարզ խնդիրներ հաշվելու, համեմատելու, գումարման և հանման վերաբերյալ:

Երկրորդ տասնյակ

 

• Տասնյակ: 10 թիվը:
• 10-ի սահմաններում գումարում և հանում:
• Հաշվում տասնյակներով:
• Հաշվում տասնյակներով և միավորներով:
• Կլոր թվեր: Կլոր թվերի անվանումները և գրառումը:
• Երկրորդ տասնյակի թվերի գրառումը:

• Թվերի համեմատումը:
• 20-ի սահմանում թվերի գումարումն ու հանումն առանց կարգային անցումների:
• 20-ի սահմանում թվերի գումարումն ու հանումը կարգային անցումներով:
• Գումարման քառակուսային համակարգ:
• Մեծություններ: Դրանց չափումը (երկարություն, զանգված, տարողություն, ժամանակ):
•  Չափումներ ոտնաչափերով, թիզերով, մատներով, լոնքերով, քայլերով և այլն:
• Ջերմաչափ: Ջերմաստիճանի որոշում:
• 100-ի սահմանում կլոր տասնյակների գումարում:
• 100-ի սահմանում կլոր տասնյակին միանիշ թվի գումարում:
• Պարզ խնդիրների լուծում:
• Կրկնություն:

Երկրորդ դասարան (144 ժամ)

2—րդ դասարանում լուծվող հիմնական խնդիրներն են`

• Ուսումնասիրել 20-ից մեծ երկնիշ և եռանիշ թվերը, դրանց համեմատումը, գումարման և հանման գործողությունները 1000-ի սահմանում
•  գաղափար տալ բազմապատկման և բաժանման գործողությունների մասին
• շարունակել ծանոթացումը երկրաչափական մարմինների, պատկերների, մեծությունների, դրանց չափման միավորների հետ

•  ձևավորել հարց ձևակերպելու կարողություն:

Բովանդակություն

• Երկնիշ թվեր:
• Աղյուսակներ: Դրանց օգտագործումը երկնիշ թվերի գրության համար:
• 20-ից մեծ երկնիշ թվեր, դրանց գրառումը.տասնավորներ և միավորներ:
• Տարվա ամիսները և դրանց օրերի քանակը:
• Երկնիշ թվերի համեմատումը:
• Երկնիշ թվերի գումարումը և հանումն առանց կարգային անցումների:
• Երկնիշ թվի կլորացումը մինչև մոտակա տասնյակը:
• Գումարման գործողության հատկությունները:
• Երկնիշ թվերի գումարումը և հանումը, որոնց արդյունքը կլոր թիվ է:
• Երկնիշ թվերի գումարումն ու հանումը:
• Տվյալների հավաքագրում հարցումների միջոցով:
• Տվյալների ներկայացում աղյուսակների միջոցով:
• Խնդիրների լուծում:

Եռանիշ թվեր Հարյուրյակ:

• Հաշվում հարյուրյակներով:

• Կլոր հարյուրյակների անվանումը և գրառումը:
• Եռանիշ թվերի համեմատումը.
• Եռանիշ թվի ներկայացումը կարգային գումարելիների գումարի տեսքով:
• Հազարի սահմանում թվերի գումարումն ու հանումը:
• Խնդիրների լուծում: Հայտնի և անհայտ տվյալներ:
• Գծապատկերների , աղյուսակների օգտագործումը խնդիրների լուծման ընթացքում:

Բազմապատկում և բաժանում 

• Բազմապատկման գործողությունը:
• Բազմապատկման տեղափոխական հատկությունը:
• Բազմապատկում 1-ով և 0-ով:
• Բազմապատկում 2-ով:
• Բաժանման գործողության իմաստը:
• Զույգ և կենտ թվեր:
• 3-ով բազմապատկելու և 3-ի վրա բաժանելու աղյուսակ:
• Բազմապատիկներ:

• 4-ով բազմապատկելու և 4-ի վրա բաժանելու աղյուսակ:
• Մի քանի անգամ մեծացնելուն և փոքրացնելուն վերաբերող խնդիրներ:
• 5-ով բազմապատկելու և 5-ի վրա բաժանելու աղյուսակ:

• Բաժանարարներ:
• 6-ով բազմապատկելու և 6-ի վրա բաժանելու աղյուսակ:
• 7-ով բազմապատկելու և 7-ի վրա բաժանելու աղյուսակ:
• 8-ով բազմապատկելու և 8-ի վրա բաժանելու աղյուսակ:
• 9-ով բազմապատկելու և 9-ի վրա բաժանելու աղյուսակ:
• Առանց փակագծերի արտահայտություններում գործողությունների որոշման կարգը:
• 10-ով և 100-ով բազմապատկում և 10-ի և 100-ի վրա բաժանում:
• Բազմապատկման զուգորդական հատկությունը:
• Կլոր թվերի բազմապատկումը և բաժանումը:

Մեծություններ

• Երկարություն:Երկարության չափման միավորներ. սանտիմետր, մետր, կիլոմետր:
• Պարագիծ: Ծանոթ բազմանկյունների պարագծերի հաշվում:
• Զանգված.կշեռք, կիլոգրամ, գրամ:
• Ժամանակ. Ժամացույց:

Երրորդ դասարան (144 ժամ)

3—րդ դասարանում լուծվող հիմնական խնդիրներն են`

• Ուսումնասիրել բազմանիշ թվերը, գործողությունները դրանց հետ, գործողությունների հատկությունները և ցույց տալ կիրառության օրինակներ
• շարունակել ծանոթացումը երկրաչափական պատկերների, մեծությունների, դրանց չափման միավորների հետ
• գաղափար տալ դատողության, ալգորիթմի, տվյալների, դրանց ստացման և մշակման մասին
•  ձևավորել գիտելիքներ և կարողություններ խնդիրների և դրանց լուծման վերաբերյալ:

Բազմանիշ թվեր, թվագրության ոչ դիրքային համակարգեր 

• Քառանիշ թվեր:
• Հնգանիշ և վեցանիշ թվեր:
• Բազմանիշ թվի գրելը (թվանշաններով և տառերով) և կարդալը:
• Աղյուսակների օգտագործումը բազմանիշ թվերը գրելու համար:
• Թվային դասեր:
• Բնական թվերի համեմատումը:
• Բնական թվի կլորացումը մինչև նշված թվային կարգը:
• Թվագրության հին հայկական և հռոմեական համակարգեր:
• Պատկերների համընկնելը:
• Պարզ պատկերները երկու հավասար մասի բաժանելը:
• Համաչափություն ուղղի և կետի նկատմամբ:

• Շրջան: Շրջանագիծ:
• Բեկյալ: Բեկյալի երկարության հաշվում:
• Պարագիծ: Ծանոթ բազմանկյունների պարագծերի հաշվում:
• Մակերես:
• Թվաբանական գործողությունները բազմանիշ թվերի հետ:
• Բազմանիշ թվերի գումարումը և հանումը ( նաև սյունակով):
• Թվի ներկայացումը կարգային գումարելիների գումարի տեսքով:
• Գումարման և հանման գործողությունների հատկությունները:
• Եռանիշ և քառանիշ թվերի բազմապատկումը միանիշ թվով:
• Բազմապատկում 10-ով, 100-ով, 1000-ով  և բաժանում 10-ի, 100-ի, 1000-ի:
• Կլոր թվերի բազմապատկումը և բաժանումը:
• Երկարության միավորների միջև կապերը:
• Զանգվածի միավորների միջև եղած կապերը:
• Բազմանիշ թվերի բազմապատկումը միանիշ թվով:
• Բազմապատկման գրառումը սյունակով:
• Բազմանիշ թվի բաժանումը միանիշ թվի վրա:
• Բաժանման գրառումը <<անկյունով>>:
• Բազմապատկման, բաժանման գործողությունների հատկությունները:
• Բազմապատկումը երկնիշ թվով:
• Ապրանքի գին-քանակություն-արժեք փոխկապակցվածությունը:

• Եռանիշ թվի բազմապատկումը միանիշ թվով:
• Բազմապատկման և բաժանման գործողությունների արդյունքների և դրանց բաղադրիչների անվանումները:
• Զույգ և կենտ թվեր.զույգ թվի կեսը գտնելը, թվի բազմապատիկ:

• Posted in: Ծրագիր ♦ Կրտսեր դպրոցի (1-3-րդ դասարաններ) մաթեմատիկայի ծրագիր