Ամանորը հեքիաթների աշխարհում /նախագիծ/

Ամանորյա ծեսը կրթահամալիրի ամենաուրախ ու ամենասպասված տոներից է: Ծեսի նախապատրաստական աշխատանքները սկսվում են հենց ձմռան առաջին օրից:

Նախագիծն ընդգրկում է ուսումնական գործունեության բոլոր ձևերը:

Նպատակը՝  Նախապատրաստում  «Ամանորի ծես» տոնակատարությանը.

 Խնդիրները՝

• Ընտրել հեքիաթ, ծեսին հերոսների կերպարներով ներկայանալու համար
• Ընթերցել, ճանաչել հերոսներին առավել կերպարին մոտ լինելու համար
• Զարգացնել որոնողական կայքերից ճիշտ օգտվելու հմտությունները
• Զարգացնել սովորողների տեխնոլոգիական հմտությունները
• Ուսուցանել Ամանորի և Սուրբ Ծննդյան երգեր
• Ստեղծել շնորհավորական բացիկներ
• Զարգացնել սովորողների մեդիահմտությունները
• Զարգացնել ստեղծագործելու, երևակայելու հմտություններ:

Հետազոտության, ուսումնասիրության թեմաները՝

• Ամանորը հեքիաթների աշխարհում
• Տոնական հագուստի ստեղծում
• Ինքնաշեն խաղալիքներ, տոնի ծառ
• Ամանորյա ավանդույթները Հայաստանում
• Ամանորյա և Սուրբ Ծննդյան երգերի ընտրանի
• Տոնի խորհուրդը:

Ընթերցանության համար նախատեսվող նյութեր.

Բուրատինոյի արկածները /Հայերեն և ռուսերեն լեզուներով//անգլերեն լեզվով առավել մատչելի տարբերակը/

Աշխատանքի կազմակերպման ընթացքը՝

Ծեսի մասին սովորողներն արդեն որոշակի գիտելիքներ ունեն անցած երեք տարիներից: Ի մի ենք բերում ունեցած գիտելիքները:

Ստեղծում ենք աշխատանքային խմբեր՝ վերը նշված տարբեր թեմաներով ուսումնասիրություններ կատարելու համար:

Առաջին խումբը համացանցից գտնում է Բուրատինոյի արկածները ֆիլմը, այն դիտելու և քննարկելու համար : Գտնելուց հետո դասվարի օգնությամբ տեղադրվում է դասարանական բլոգում:

Երկրորդ խումբը փնտրում է Բուրատինոյի արկածները մուլտֆիլմի ռուսերեն և անգլերեն տարբերակըԽմբի: Այն նույնպես տեղադրվում է դասարանական բլոգում:

Եեեորդ խումբը գտնում է տոնական երգեր, բեմադրելու կարաոկեներ ստեղծելու և պար բեմադրելու համար:

Ձմեռային ուսումնական ճամբարը համընկնում է նախագծի իրականացման օրերի հետ: Ճամբարում փոխվում են ուսումնական գործունեության ձևերը: Ամանորյա ծեսի նախապատրաստական աշխատանքների մեջ է  մտնում նաև սրահի, դասարանի, տոնածառերի ձևավորումը: Ճամբարային օրերի  ընթացքում կպատրաստենք ինքնաշեն խաղալիքներ՝ ձեռքի տակ եղած տարբեր նյութերով: Սովորողների մի խումբ համացանցից կգտնի հետաքրքիր տեղեկություններ ամանորյա զարդարանքներ, խաղալիքներ պատրաստելու վերաբերյալ: Բացի այդ, պատրաստվում ենք տեխնոլոգիական գործունեության մեջ ընդգրկել նաև կար ու ձևը: Կմասնակցենք դպրոցի ընդհանուր սրահի ձևավորմանը: Կստեղծենք կերպարային հագուստներ:

Մեդիաբացիկների ստեղծում: Ամեն տարի սովորողները ստեղծում են էլեկտրոնային բացիկ-շնորհավորանքներ համակարգչային տարբեր ծրագրերով: 4-րդ դասարանում նրանք արդեն տիրապետում են մի շարք ծրագրերի: Համադրելով Movie maker /կամ AVS video/ և Paint /կամ WizardBrush/ ծրագրերը, կստեղծենք բացիկներ: Այդ աշխատանքը պարտադիր է բոլոր սովորողների համար: Բացիկները տոնական օրերին կտեղադրվի դասարանական բլոգում, ենթակայքում՝ որպես շնորհավորանք:

Նախագիծը կամփոփենք՝ մասնակցելով ամանորյա տոնախմբությանը:

• Posted in: Նախագծեր ♦ Ուսումնական գործունեություն ♦ Ամանորը հեքիաթների աշխարհում ♦ Բոլոր նյութերը